Tuisblad

De Aar Posduifklub Fondsinsamelingspoging

De Aar Posduifklub gaan ‘n nuwe  Jongduif-wedvlugkompetisie hou, wat gevlieg sal word vanaf  Saterdag, 24 Januarie 2009 – Saterdag, 14 Februarie 2009.    Kuikens word  nou gebroei en gering in Augustus/September, met ringe wat gekoop word teen R100 stuk.    Wedvlugringetjies word deur De Aar Posduifklub beskikbaar gestel vanaf vandag, 8 Augustus 2008 – Saterdag 30 Augustus 2008.    Die kuikens sal in die hok van Willa Wessels geplaas word teen ‘n verdere koste van R100 per duif ( dit sluit in alle tosse, kos, basiese medikasie en elektroniese ring ).   Alle duiwe vlieg dus uit een hok wat u sal help om u duiwe se kwaliteit te kan meet.    ‘n Inskrywing beloop dus R200 per duif.    Indien u vyf duiwe inskryf, kry u ‘n 6de gratis inskrywing.   U betaal dus vir vyf maar kry ses ringetjies.  

Inname word vanaf Saterdag, 8 November 2008 tot en met Saterdag, 22 November 2008 gedoen.    Geen laat plasings sal toegelaat word nie.  Ons wil graag die duiwe “gehome” kry en vanaf  Maandag 1 Desember al liggies om die hok laat sirkel.      Geen reserwe duiwe word toegelaat nie.    Duiwe wat verlore raak is dus u verlies.    

Alhoewel ons alles in ons vermoë sal doen om al die duiwe net die beste behandeling te gee, kan ons nie waarborg dat u kuiken nie verlore sal raak nie.     U sal ons dus moet vrywaar teen enige vervolging van verliese van duiwe.    Ons glo dat die duiwe wat op Saterdag 14 Februarie 2009 gaan klaarmaak, beslis van die beste duiwe in die Unie gaan wees.   

Omdat dit baie warm is die tyd van die jaar wanneer die wedvugte plaasvind, sal duiwe om 07:00 in die oggend geoefen word en weer om 17:00 in die middag.     Medikasie sal toegedien word soos deur ons medikasiespan dit nodig sou ag.    Duiwe wat erg beseer of siek word, sal in die “hospitaal” geplaas word en u sal telefonies ingelig word oor hoe die duif op medikasie reageer.

Loslating op dag van wedvlug   Duiwe word gelos, 15 min na sonop, om duiwe kans te gee om die grootste gedeelte van vlug in die koelte van die dag te kan voltooi.    Ons het so besluit omdat die duifies nog baie jonk is.

Verwydering van duiwe:    Duiwe moet binne 7 dae na laaste wedvlug verwyder word.   Duiwe wat daarna nog nie verwyder is nie, sal verkoop of geskenk word aan klubs vir veilingdoeleindes ens. 

Totale Prysgelde vir die kompetisie is:   R10 000.00 Indien ons nog borge kan bekom, sal prysgelde dienoorenkomstig aangepas word.     Bogenoemde pryse sal slegs betaal kan word indien ons 100 ringetjies kan verkoop.